Hum Lucknow mein ek naya at-home pet grooming business shuru kar rahe hain, aur humein ek experienced Dog & Cat Groomer chahiye jo independently pura grooming session handle kar sake.

Aapka kaam:

- Bath, trim, aur full haircut/styling independently perform karna, breed ke hisaab se
- Mushkil cases handle karna — ghabraye hue pets, matted/tangled coats, senior pets
- Yeh decide karna ki coat de-mat ho sakta hai ya shave-down zaroori hai, pet ki safety ke liye
- Junior Groomer ko guide karna jab woh aapke saath ho
- Pet ki safety aur comfort ka poora dhyan rakhna, poore session ke dauraan
- Har visit ke pehle aur baad mein jagah saaf-suthri rakhna
- Schedule ke hisaab se shehar mein customer ke ghar jaana

Hume kya chahiye:

- Real hands-on grooming experience — bathing se lekar full haircut/styling tak
- Different coat types (double-coat, curly, silky) aur breeds ke saath comfortable hona




- Khud ka two-wheeler (har session ka fuel/petrol reimburse kiya jayega)
- Lucknow mein roz travel karne ke liye taiyaar
- Customer ke ghar mein professionally kaam karne ki ability
- Interview ke time ek live skill-check/demo dena hoga (humare test dog ke saath)

Humare saath kyun jude:

- Achi salary — market se competitive, aapke experience ke hisaab se
- Har session ka fuel/petrol reimburse hoga
- Senior se Lead Pet Groomer tak badhne ka clear rasta, salary bhi badhegi
- Business profitable hone ke baad, quarterly profit-sharing bhi milega
- Ek naye, badhte hue local business mein shuru se hi significant role — sirf ek aur groomer nahi, balki team ke core member
- Home-service environment — koi store overhead nahi, seedha kaam pe focus

📌 Dog & Cat Groomer (Lucknow)
🏢 Nawabi Paws
📍 Lucknow